Ракометната федерација на Македонија ја исплати премијата од 50.000 евра на нашиот најдобар машки национален тим за пласманот на Светското првенство 2023 година во Полска и Шведска.
„По претходно донесена одлука на Управниот Одбор, денес Ракометната Федерација на Македонија ја исплати наградата од 50.000 евра на машката сениорска репрезентација за пласманот на IHF World Championship 2023 во Полска и Шведска.
Машката сениорска ракометна репрезентација го задржа континуитетот на настапи на големите натпреварувања, обезбедувајќи осмо учество на ракометен Мундијал кој ќе се одржи во Полска и Шведска во јануари 2023 година“, се вели во известувањето на РФМ.
Македонија противниците за СП 2023 година ќе ги дознае на 2. јули, пред истата се најде во вториот шешир. Ова значи дека ракометарите во групната фаза ќе избегнат репрезентации како Хрватска, Катар, Белгија, Португалија, Бразил, Црна Гора и Полска.
