Американската телевизиска мрежа ESPN објави листа на репрезентации според нивните шанси за освојување на титулата на Мундијалот во Катар оваа зима.
Според ESPN прв фаворит за светското злато е селекцијата на Бразил. Во ТОП 10 листата на фаворити на второто место се најде Aнглија, трета е Франција, па следуваат Шпанија и Аргентина.
Германија е шести, а Белгија седми фаворит, по што следуваат и Португалија, Холандија и Данска до 10. место.
Светското првенство ќе биде отворено на 21 ноември со натпреварот меѓу Катар и Еквадор.
