Минатата среда Ливерпул беше декласиран со 4:1 на гостувањето кај Наполи, Клоп смета дека тоа е најлошиот натпревар на неговиот тим.
„Имавме состанок со играчите. Го гледав натпреварот неколку пати и тоа беше вистинско хорор шоу, да бидам искрен. Момците тоа го знаеја, но кога го видов повторно, сфатив дека тоа беше најлошиот натпревар што сме го одиграле од кога сум овде“, изјави Германецот.
Ливерпул на полувремето губеше со 3:0, а конечните 4:1 беа најтешкиот пораз на клубот во историјата на Лигата на шампионите.
„Сите се сеќаваат на Астон Вила (Ливерпул загуби со 2:7 во 2020 година) и неколку други натпревари на кои едноставно не бевме на ниво. Но, барем имаше знаци за тоа. На овој натпревар немаше што да се види. Мораме да бидеме свесни зошто се случи сето тоа. Мислам дека осум (играчи) од почетните 11 беа апсолутно под нивното ниво, а другите тројца не беа на своето највисоко ниво“, заклучи Клоп.
Клоп смета дека е потребно неколку пати да се анализира споменатиот дуел со Наполи и дури потоа да се пренесат последните пораки до играчите.
