Селекторот на репрезентацијата на Македонија, Благоја Милевски предмалку одржа прес конференција на која го соопшти списокот на репрезентативци на кои ќе смета за претстојните дуели од Лигата на Нациите против Грузија на гости односно Бугарија на домашен терен. Мечевите се играат на 23. односно 26. септември.
„Мора да нагласам дека не сум задоволен од формата на поедини фудбалери. Тоа се однесува секако на нивниот број на настапи, како и на дел од нив кои сеуште немаат клубови. Сепак, ние сме изненадувале претходно со настапите, па се надевам дека и сега ќе биде така. Сѐ додека има шанси ќе пробаме да ги искористиме, а сепак како и јунските мечеви, овие планираме да ги искористиме за дооформување за ликот на репрезентацијата во иднина. Сѐ уште сме во ситуација на оформување на оваа генерација„ – изјави селекторот Милевски.
Голмани:
Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Игор АЛЕКСОВСКИ (Работнички);
Одбрана:
Стефан РИСТОВСКИ (Динамо Загреб, Хрватска), Дарко ВЕЛКОВСКИ (Ал Етифак, Саудиска Арабија), Висар МУСЛИУ (Инглоштат, Германија), Езѓан АЛИОСКИ (Фенербахче, Турција), Тодор ТОДОРОВСКИ (Сумгаит, Азербејџан), Стефан АШКОВСКИ (Ламиа, Грција), Никола СЕРАФИМОВ (МОЛ Види, Унгарија), Ѓоко ЗАЈКОВ (Ворскла, Украина), Бојан ДИМОСКИ (Академија Пандев);
Среден ред:
Елиф ЕЛМАС (Наполи, Италија), Енис БАРДИ (Трабзонспор, Турција), Аријан АДЕМИ (Динамо Загреб, Хрватска), Енис ФАЗЛАГИЌ (Дунајска Стреда, Словачка), Агон ЕЛЕЗИ (Вараждин, Хрватска), Јани АТАНАСОВ (Хајдук, Хрватска), Стефан СПИРОВСКИ (Пјуник, Ерменија);
Напад:
Милан РИСТОВСКИ (Спартак Трнава, Словачка), Бојан МИОВСКИ (Абердин, Шкотска), Дарко ЧУРЛИНОВ (Барнли, Англија), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Дориан БАБУНСКИ (Дебрецин, Унгарија), Љупче ДОРИЕВ (Шкендија);
Собирот на нашата најдобра селекција за претстојните пресметки против Грузија и Бугарија е закажан за 19. септември (понеделник) во 12:00 часот во х. Хилтон во Скопје.
