Екипата на Пелистер до стартот на Европската лига немаше посериозни мечеви за да тренерот Ларс Валтер види со какви сили ќе располага токму за ова натпреварување. Токму затоа вечерва (20 часот) со СЦ „Јане Сандански“, битолскиот тим ќе одигра пријателски натпревар против селекцијата на Саудиска Арабија која во Скопје е од минатата недела.
Добро е познато дека во стручниот тим на Саудиска Арабија е екс-тренерот на ЖРК Вардар, Јан Питлик. За оваа репрезентација ова ќе биде втора пријателска средба против македонски тим, претходно играше против комбиниран состав на Алкалоид и Мулти Есенс.
Пелистер веќе во вторник го игра првиот меч на европска сцена за противник го има тимот на Архус.
