Кошаркарскиот клуб Работнички и официјално има нов спонзор. Видеолотарија Казинос Австрија на официјална прес конференција денеска стана нов спонзор на нашиот трофеен клуб, и во иднина оваа соработка ќе го направи КК Работнички уште по стабилен клуб.
Во насока на новиот, реновиран КК Работнички овој нов спонзор само ќе ја засили финансиската моќ, и иако на прес конференцијата не беше објавена сумата која компанијата ќе ја вложи на годишно ниво сепак се работи за сериозен проект. Ако на ова се додаде и новиот генерален спонзор на клубот, Мтел од Србија тогаш дефинитивно КК Работнички влегува во една сосема нова фаза од постоењето.