Лука Дониќ го одигра првиот натпревар оваа сезона во кој постигна помалку од 30 поени и со тоа ја прекина чудесната серија од девет последователни средби на отворањето на сезоната во која ја надмина таа граница. Тоа е исто така втора најдолга ваква серија во историјата на НБА. Само Вилт Чембрлен во сезоната 1962/1963 имаше подолга серија од Дончиќ.
Играјќи за тогашниот Сан Франциско Вориорс, Чембрлен ја заврши таа сезона со просечни 44,8 поени и 24,3 скока по натпревар. Тој беше уште подобар претходната сезона. Тогаш имаше просек од 50,4 кошеви и 25,7 скока.
Серијата на Дончиќ беше прекината во Орландо, каде домашните Меџик го совладаа Далас Маверикс со 94:87, а играчите на тимот од Флорида одиграа одлична одбрана против водечкиот стрелец во НБА. Дончиќ во игра влезе со просек од 36 поени, а остана ограничен на 24 со очаен удар од поле.
Орландо играше без Паоло Банчер, првиот пик на драфтот кој има просек од 23,5 поени и 8,3 скока по натпревар, но најслабиот тим во лигата според соодносот се покажа како доволно добар за Далас без него. Маверикс го загубија натпреварот во скокови (29:49) и беа исклучително слаби во шутот за три поени (11/42), а вкупниот шут им беше слаби 37,6 отсто (32/85).
Причина за ваквите бројки е и лошото издание на словенечката ѕвезда. Дончиќ промаши дури 20 обиди од поле (вкупен шут 9/29), а особено нерасположен беше при шутирањето за тројка (2/11). Не изгледаше добро ниту од линијата за слободни фрлања (4/7). Натпреварот го заврши со 24 поени, шест скока и асистенции.
„Играв очајно, а ниту остатокот од тимот не одигра добро. Секоја екипа во НБА лигата лесно може да не победи. Мора да има подобар пристап во следниот натпревар“, изјави Дончиќ по мечот.
Вагнер до славјето го предводеше Орландо со 22 коша и шест асистенции, додека Динвиди постигна 29 поени за поразениот Далас.
Резултати: Шарлот – Портланд 95-015, Индијана – Денвер 119-122, Атланта – Јута 119-125, Бостон – Детроит 128-112, Бруклин – Њујорк 112-85, Торонто – Хјустон 116-109, Чикаго – Њу Орлеанс 111-115, Минесота – Феникс 117-129, Оклахома – Милвоки 132-136 (прод.), Сан Антонио – Мемфис 122-124, ЛА Клиперс – ЛА Лејкерс 114-101, Сакраменто – Кливленд 127-120.
