Голманот на Костарика, Кејлор Навас е изненаден од одлуката на Луис Енрике да не го земе искусниот Серхио Рамос во репрезентацијата на Шпанија за Светското првенство во Катар. Навас играше заедно со Рамос во Реал Мадрид и добро ги знае квалитетите на искусниот централен бек и големата помош пред голот.
„Изненаден сум од тоа дека Рамос не е со Шпанија на СП во Катар. Тој е во одлична форма и игра на високо ниво. Ех колку би сакал тој да е Костариканец и да биде со нас на Мундијалот. Точно дека имаше лош период, но тоа сега е зад него и се врати во форма. Пак е најдобар. Штета што нема да игра на Светското првенство“, рече Навас.
Шпанија и Костарика ќе се соочат еден против друг на СП во групата Е. Нивни ривали во групата се уште Германија и Јапонија.
