Французите го бранат златниот медал во Катар и сигурно ќе бидат огромни фаворити во полуфиналето, но Мароканците покажаа дека никој не треба така лесно да ги отпише и дека можат да изненадат секоја репрезентација.
На тој меч сигурно ќе видиме жестока пресметка меѓу соиграчите од ПСЖ, Килијан Мбапе и Хакими, а дали Мароканецот ќе успее да го задржи својот добар пријател, останува да видиме.
Веднаш по синоќешниот натпревар меѓу Франција и Англија, Хакими реши преку Твитер да му испрати порака на Мбапе во која му порача дека едвај го чека нивниот натпревар.
„Се гледаме наскоро пријателе“, му порача на Хакими, а Мбапе во коментарот му остави срце.
Познато е дека Мбапе и Хакими се многу добри пријатели, но сигурно е дека во полуфиналниот натпревар ќе биде поинаква приказна на терено, јасно е дека ова пријателство ќе биде на маргините.
