Капитенот на македонската репрезентација Горан Пандев пред точно 20 години првпат настапи во дресот со националните обележја. Тоа беше натпреварот со Турција во квалификациите за СП 2002 кој заврши 3:3.
Од тогаш па до денес, Пандев стана рекордер по број на натпревари за Македонија (119) и број на голови (37) од кои 66 меча му се како капитен.
Врвот на кариерата го достигна оваа година кога со Македонија ќе игра на Европското првенство во фудбал. Токму тој го даде победничкиот гол против Грузија во плеј-офот со кој Македонија за првпат избори пласман на континенталното натпреварување.
