Новиот селектор на македонската репрезентација до 21 година, Драган Канатларовски, пред предизвиците со кои ќе се соочи со неговиот тим во квалификацискиот циклус за ЕП кој почнува во септември, во видео изјава за ФФМ вели дека чувствува уште поголема енергија и сила за да се докаже на новата функција.
„Македонија до 21 година остави голем печат со учеството на Европското првенство и ќе работиме максимално фокусирано да се обидеме да го повториме тој резултат. Фудбалерите нека работат, нека бидат подготвени во секој момент да го остават срцето на терен за својата земја. Да веруваат во себе и пласман на големо натпреварување“, вели популарниот Цапар.
Во стручниот штаб на селекторот Драги Канатларовски се вклучени асистентите Шкумбин Арслани и Драган Начевски и тренерот на голмани, Зоран Мицевски.
