18-годишната британска тенисерка Ема Радукану, која сензационално победи на Отвореното првенство на САД, одговори на прашањето каде ќе ги потроши освоените 2,1 милиони евра како парична награда од УС Опен.
„Се уште не сум одлучила. Ќе им ги дадам на моите родители, тие ќе знаат подобро. Се уште немам купено ништо со овие пари. Тенисот е многу скап спорт со оглед на сите патни и други трошоци. Можеби парите ќе бидат потрошени за ова. Да бидам искрена, воопшто не размислувам за пари. Знам дека ќе има многу даноци и други трошоци“, изјавила младата сензација.
