Сите сме во очекување на утрешната пресметка со Германија, со гигантот на светскиот фудбал. Како фудбалерите, стручниот штаб, фановите, цела јавност во земјата. Сепак со најголема нестрпливост овој меч го очекува нашиот голман Столе Димитриевски.
Имено еден од нашите најдобри фудбалери, утре против Германија ќе го одигра својот 50 јубилеен натпревар за нашата најдобра фудбалска репрезентација.
Столе и да сакаше не можеше да одбере подобар момент за својот јубилеј. Се надеваме дека како и досега, инаку тој своето деби го имаше во ноември 2015 година, во изминатите шест години, и на овој меч ќе ја “брани“ Македонија најдобро што знае и умее.
Се разбира, ние му посакуваме “чиста мрежа“ против еден од најсилните репрезентативни тимови во Европа и светот.
