Македонскиот репрезентативец Тихомир Костадинов се најде во тимот на колото по одиграната 11. етапа во шампионатот на Словачка. Членот на Ружомберок беше стрелец во ремито на неговиот тим на гостувањето кај Похроние од 22. и со тоа беше задржано одличното трето место засега на табелата.
Ружомберок, а нормално и Костадинов во моментов се наоѓаат во одлична форма, што се гледа и по резултатите, односно минутажата на играчот за врска, како во клубот, така и во нашиот национален тим каде што Костадинов ужива полна доверба од страна на селекторот Благоја Милевски.
