По третпат во својата историја, Сенегал ќе игра во големото финале на Купот на африканските нации. Во вечерашното полуфинале против Буркина Фасо, тимот предводен од големата ѕвезда на Ливерпул, Садио Мане и со извонредниот голман Менди меѓу стативите, стигна до триумф од 3:1 кој му завери ново учество во најважниот меч на континенталниот собир.
По 0:0 во првите 45 минути, следуваше исклучително возбудлива завршница во која видовме четири гола. Напрво Диало погоди во 70. минута за водство на Сенегал од 1:0, а 6 минути подоцна Гуеје веќе зголеми на 2:0.
Надеж за подобар резултат донесе голот на Туре во 82. минута за 1:2, но сите надежи на Буркина Фасо ги урна Мане со голот во 87. минута за конечни 3:1.
Во второто полуфинале утре ќе се сретнат Камерун и Египет.
