Денеска во 14 часот во Струга, во меч од 20.коло во ПМФЛ, домашната Струга Трим Лум ја дочекува Брегалница. И двете екипи забележаа порази на стартот од пролетниот дел,па еве можност за први пролетни бодови.
Напаѓачот на стружани Емир Скендери за денешниот дуел со штипјани изјавува…
„Брегалница е многу добар тим, со добар квалитет, но ние ги знаеме нашите квалитети и мора да одиме на победа. Целта се трите бода кои се многу значајни за нас. Велам значајни зошто ако победиме ќе се најдеме пред Брегалница на табелата, секако дека сакаме и да им се реваншираме за поразот во Штип“ заврши Скендери.
