Откако УЕФА во понеделникот ги потврди санкциите за Русија за следната сезона во сите натпреварувања под нејзината капа, стигнаа првите реакции од другата страна. Тамошната фудбалска федерација ни малку не е задоволна од одлуката, па веќе сериозно размислува во сезоната 2022/23 да ги промени страните и да пристапи кон Афричката фудбалска конфедерација.
„Мислам дека дојде време сериозно да се размисли за приклучување кон конфедерацијата на Азија. Не знаеме колку време ќе трае забраната за руските клубови и репрезентации, а отсуството од меѓународните натпревари ќе биде катастрофа за рускиот фудбал“, изјави некогашниот боксер Пирог за тамошните медиуми.
Многумина веруваат дека ова е само притисок врз Александар Чеферин за да ја спушти топката и да им дозволи на Русите на есен да се најдат во ждрепката за квалификациите за ЕП, додека пак има и такви кои веруваат дека не блефираат и дека ова вистинска желба на Русија.
Доколку на крајот дојде до промени во конфедерациите, Русија нема да биде прва. Австралија од спортски причини се пресели во Азиската фудбалска федерација и повеќе не е дел од Океанија. Додека пак Израел и Кахастан неодамна се под капата на УЕФА иако територијално не припаѓаат на Европа.
