Овие денови Скопје е во центарот на вниманието во светската ракометна јавност. Нашиот главен град е домаќин на Мундијалот за кадетки, на кој учествува и македонската репрезентација до 18 години. СЦ „Борис Трајковски“ е базата на Македонија, во оваа сала ги играше сите мечеви, денеска е последниот, ќе се бори за 11 позиција. Мечот е закажан со почеток во 16 часот.
Нашите кадетки за време на сите натпревари имаа голема поддршка од трибините, покрај нивните најблиски, во сала дојдоа сите љубители на овој спорт. Ако кога сме кај нив чичко Климе, таткото на Стојанче Стоилов постојано навиваше за Македонија. Познато е дека тој патува на сите големи натпреварување, секогаш со срце навива за Македонија, вака беше и овие денови. Потребни се вакви искрени навивачи кои ја сакаат Македонија. Секоја чест!
