Тимот на Реал Мадрид синоќа неочекувано го доживеа првиот пораз во овогодинешната сезона од тимот на Рајо Ваљекано со 3:2. Тренерот на Мадрид, Карло Анчелоти е помирен со фактот дека до овој момент едноставно морало да дојде затоа што едноставно не е можно да се победи на секој дуел.
“Знаевме дека ни претстои ваков натпревар. Беа посилни во дуелите. Ова е голема вечер за нив. Винисиус пропушти две или три шанси кои обично ги постигнува голови. Асенсио се снајде добро во првите единаесет, но генерално беше лош натпревар за нас. Ни недостигаше свежина, што е нормално после толку натпревари. Ако ја оцениме првата фаза од сезоната, мислам дека добро се снајдовме. Стигнавме до 1/8 финалето во Лигата на шампионите, а одлично ни оди и во Ла Лига “ – изјави Анчелоти.