Португалската Бенфика се пофали со трансферот на напаѓачот Каспер Тенгстед кој доаѓа од Розенборг за 9,5 милиони евра. Клубот од Лисабон кој е познат по „лансирање“ на млади фудбалери го потпиша младиот Данец до 2028 година.
Тенгстед му се приклучи на Розенборг во летото 2022 година и на 14 натпревари во норвешкиот шампионат постигна 15 голови и 7 асистенции. Пред тоа играше за данските Хорсенс и Митјиланд и вториот тим на Нирнберг.
„Јас сум напаѓач но можам да играм и како крило. Прецизен сум, давам голови, се надевам дека ќе се уверите во тоа. Бенфика е супер клуб, ми се допаѓа начинот на кој играат“, изјави 22-годишниот фудбалер.
Бенфика во наредните денови треба да комплетира уште еден трансфер. Се работи за 18-годишниот играч од средниот ред Андреас Шелдеруп кој игра во Нордсјеланд. Тој е норвешки младински репрезентативец. За него лисабонскиот гигант ќе плати 10 милиони евра.
Andreas Schjelderup to Benfica, here we go and confirmed. Big move for the Norwegian top talent on €10m fee plus add-ons. 🚨🔴🇳🇴 #transfers
Contract until June 2028 as expected, medical this week. Benfica anticipated English clubs on this gem born in 2004. pic.twitter.com/GNFQtX0kyG
— Fabrizio Romano (@FabrizioRomano) January 11, 2023
