Македонската ракометна репрезентација денеска во Краков го отвара деветото учество на Светските првенства. Од 2013 година па наваму, нашите ракометари редовно учествуваат на ова големо натпреварување.
Прв противник на избраниците на Кирил Лазаров е Норвешка, дуелот се игра вечерва со почеток во 20:30 часот.
Но, овој Мундијал ќе биде поинаков од последните пет. Зошто? Составот е променет, дојде таа смена на генерации. Повеќе преовладуваат млади имиња, помалку искусните. Го немаме лидерот, кралот на стрелците на СП, Кирил Лазаров, ниту борецот Стојанче Стоилов, ниту пак незаменливиот Филип Муркуловски.
Пред првиот меч во Краков против Аргентина (13.02) да се потсетиме како Македонија котирала на овие првенства.
За првпат настапи во далечната 1999 година и заврши како 18-то пласирана, па пауза од 10 години повторно се врати и тоа во Хрватска, таму го освои 11 место, имаше пет победи и шест порази. Следниот Мундијал нашата репрезентација го прескона, залетот го фати од 2013 година.
Во Шпанија заврши 14-та, а веќе за две години го запиша најдобриот резултат. Македонија во Катар го освои деветото место, имаше четири победи и два порази. Во 2017 и 2018 година, го освоивме 15 место, додека 2021 година е за заборав.
Во време на ковид-19, ИХФ не ни даде шанса да се бориме, а откако Чешка се соочи со Ковид проблеми, ние влетавме во последен час и во конкуренција на 32 земји завршивме на 23 место со една победа и шест порази.
Ова значи дека најдобриот пласман, Македонија го запиша во 2015 година, додека најслабиот во 2021 година.
На овој Мундијал, покрај Норвешка, нашите ракометари ќе играат против Холандија и Аргентина.
