Бразилската фудбалска репрезентација објави дека нивни селектор ќе биде Рамон Менезес кој досега ја водеше репрезентацијата на Бразил до 20 години. Тој е именуван за привремен селектор, со можност да бидат продолжен договорот и да ја води селекцијата и во наредните две години.
Тој ќе седи на клупата на „Селесао“ на пријателскиот меч со Мароко на 25 март во Танжер во Мароко што ќе биде прво гостување на Бразилците во оваа африканска држава.
Инаку по завршувањето на СП во Катар бразилскиот национален тим го смени Тите, па се споменуваа имињата на Пеп Гвардиола, Карло Анчелоти, Зинедин Зидан, Вахид Халилхоџиќ… Ништо од тоа, Бразил се потпре на домашен тренер.
Менезес беше тренер на Васко де Гама, Виторија и уште неколку помали бразилски клубови.
🟡✅#Official: Brazil will face Morocco in March. Ramon Menezes (Who just won 🏆 CONMEBOL #Sub20) will manage the team.@BrasilEdition #Brazil 🇧🇷 pic.twitter.com/r0Hz1DrJnD
— CFC Buddy 💙💙 (@CFCBuddy) February 15, 2023
