Барселона ја совлада Валенсија со резултат 1:0 и со тоа ја одржа разликата од десет поени во однос на најблискиот ривал Реал кој својот меч го игра вечерва со Бетис. Така за првпат во историјата Барселона има осум победи со резултат 1:0 во Ла Лига. А одигра 24 меча до сега што значи дека може да ја зголеми оваа бројка до крајот на сезоната.
Освен Валенсија на домашен терен, Барселона со истиот овој резултат ги совлада Виљареал, Џирона, Хетафе, Атлетико Мадрид, Валенсија во гости, Мајорка, Селта.
Ако се гледаат сите натпревари тогаш таа бројка изнесува 10 победи со по 1:0. На осумте лигашки победи со 1:0 се надобрзуваат и двете победи во Купот на кралот со ист резултат против Сосиедад и против Реал Мадрид на „Бернабеу“ во четвртокот.
