Шаховскиот велемајстор Лирен Динг кој создаде историја со ШК Алкалоид во 2016 година, кога го предводеше најтрофејниот клуб во Македонија до шампионската титула на Европскиот клупски куп во Нови Сад, Србија, денеска со триумф во „тај-брејкот“ од дуелот со Јан Непомнијачи, стана новиот светски првак во шах.
Динг играше на првата табла за македонскиот шампион и во настапите на Европскиот клупски куп во 2017 и 2018 година, при што има и уште еден трофеј за второто место во Анталија, Турција.
Лирен има 30 години и стана првиот кинески шахист што стигнал до светската титула во поединечна конкуренција, додека меѓу дамите има шест шахистки кои доминираа на светската сцена во последните три декади. Мечот за титулата се играше во Астана, Казахстан со награден фонд од 2 милиони евра.
