Лукас Бергвал нема да ја продолжи кариерата во Барселона. Шведскиот фудбалер договорил се со каталонскиот клуб, но тогаш во борбата се вклучил и Тотенхем и 18-годишниот Бергвал решил да замине во Лондон.
Бергвал одигра 29 натпревари за Ѓургарден и шведскиот клуб за него треба да добие околу 10 милиони евра. Во јануари талентираниот играч за врска дебитираше за шведската репрезентација на пријателскиот натпревар против Естонија.
“Бергвал сакаше да игра за голем број од најголемите европски клубови, но на крајот остана да бира меѓу Барселона и Тотенхем. Тој го избра англискиот клуб. Во петок ќе ги помине медицинските прегледи, ќе потпише петгодишен договор и ќе му се приклучи на својот нов клуб во лето“, објави Sky Sports.
