Четвртото коло во плеј-офот во Супер-лигата ќе биде заокружено со дерби меч. ГРК Охрид на домашен терен го пречекува лидерот, Алкалоид, мечот е закажам во 18:30 часот.
Македонскиот вицепрвак од стартот на сезоната нема пораз, вклучувајќи и трите меча во битката за титулата. Дуелот со ГРК Охрид е еден од серијата на клучни натпревари во здржување на лидерската позиција, но и тест за вистинските сили оваа сезона.
На другата страна избраниците на Стевче Алушовски оваа сезона се наметнаа како еден од најнезгодните противници, имааат конкурентен состав, а тоа го потврдија и против Пелистер во минатото коло.
Алкалоид ги доби сите пресметки до сега против охриѓани, како и првите две оваа сезона. Теренот во „Билјанини Извори“ сигурно ќе биде пеколен, што пак најавува одлична пресметка.
