Вчерашната завршница на одбојкарскиот Куп на Македонија и во двете конкуренции ќе остане запаметена и по последната судиска арбитража на еден од нашите први одбојкарски судии интернационалци, Никола Мицевски. По 31 година активно судење на домашната сцена и цели 23 години со статусот Меѓународен судија на ЦЕВ и ФИВБ, Мицевски вчера замина во судиска пензија.
Во својата активна кариера, штипскиот судија имаше над 150 официјални меѓународни натпревари, судеше и на три финалиња во европските купови, арбитрираше на две Европски првенства, едно Светско првенство, како и на многу други натпревари.
Одбојкарката федерација на Македонија вчера пред финалето во машка конкуренција му се заблагодари за долгогодишната работа со пригодни подароци.
