Новак Ѓоковиќ и Горан Иванишевиќ после пет години ја прекинаа соработката. Неочекуваната вест на својот Инстаграм ја сподели Ѓоковиќ кој вчера се прости од својот тренер:
„Јасно се сеќавам на денот кога го поканив Горан да биде дел од мојот тим. Беше во 2018 година и јас и Маријан баравме некоја иновација, да внесеме некоја магија на услуга во нашиот дует. Всушност, не само што добивме сервис, но и многу смеа, забава и години на првото место, соборени рекорди и уште 12 грен слем финалиња од тогаш. Дали спомнав малку драма? Нолефам треба да го знае тоа.
Со Горан пред неколку дена се договоривме да ја прекинеме соработката. Хемијата на теренот имаше свои подеми и падови, но нашето пријателство отсекогаш било цврсто. Всушност, јас сум горд на тоа, не сум сигурен дека е ниту тој: освен што заедно победувавме турнири, долги години имавме битки во парчис (табла игра). И тој турнир никогаш не завршува“.
До Ѓоковиќ треба да остане Ненад Зимоњиќ, поранешниот селектор на Дејвис куп репрезентацијата на Србија. На следните турнири треба да биде со Ѓоковиќ, а се уште не се знае кој ќе го наследи Иванишевиќ во стручниот штаб на Ѓоковиќ. Првиот следен турнир за Ѓоковиќ е Мастерсот во Монте Карло од 7 до 14 април.
