Бар Каналетас пренесува дека Нејмар е решен да ја напушти Саудиска Арабија и да се врати во Барселона, а за тоа го известил и претседателот на Каталонците, Жоан Лапорта со кој е во добри односи.
32-годишниот, кој се опоравува од повреда, која ја здоби во септември, му истекува договорот во летото 2025 година.
Претходните извештаи велеа дека Нејмар би можел да се врати во неговиот матичен клуб – бразилски Сантос, но неговиот план е јасно да игра во Европа. Нејмар играше за Барселона од 2013 до 2017 година, пред да се пресели во ПСЖ за рекордни 222 милиони евра.
За време на престојот во Барселона, крилниот напаѓач постигна 105 гола во 186 натпревари и ја освои Лигата на шампионите, УЕФА Суперкупот, Светското клупско првенство на ФИФА со клубот…
Нејмар е еден од најплатените играчи во Саудиска Арабија, а е член на тамошниот гигант Ал Хилал, но поради повреда е надвор од терените со месеци, иако тоа не го спречи да патува низ светот и да присуствува на разни забави. .
Тој минатото лето ја напушти Европа, а во последно време видно се здебели, а прашање е дали е подготвен да игра за Барселона и да направи разлика на теренот како порано.
Тој пред повредата успеа да одигра само пет натпревари во дресот на саудискиот клуб, а Ал Хилал се надева дека ќе се опорави во наредните месеци и ќе биде подготвен за новата сезона, но играчот повеќе би сакал да се раздели летово и да продолжи да игра во Европа.
