Дубаи нема да игра во Аба лигата, така тврди Драган Бокан, првиот човек на Будуќност.
Што се случува со Дубаи и регионалното натпреварување? Одговорите на тоа прашање се целосно контрадикторни. Додека некои тврдат дека овој клуб е примен во регионалната лига, од друга страна се шпекулира дека се работи за „дезинформација“.
„Нема влез на Дубаи и нема проширување на лигата. Зошто? Одлука не може да се донесе со мнозинство, туку едногласно. Едногласна одлука на сите клубови може да ја прошири лигата и да ги промени пропозициите на натпреварувањето. Мора да дојде до ситуација прво да се заврши сопственичката структура, па да одиме на тие теми. Немаше волја и затоа не сакавме да учествуваме и да губиме време за нешто што според социјалниот договор не може да биде законски“, изјави Драган Бокан за „CG sport me“
