Кенискиот атлетичар Гилберт Киплетинг Чумба падна на земја откако помина низ целта на Белградскиот маратон. Чумба беше најбрз на маратонот со време од 2:11,47 часа и за малку не успеа да го урне рекордот на патеката.
Кениецот по истрчани 42 километри падна на земја, му беше укажана лекарска помош, ставен на носилки и однесен на понатамошни прегледи.
Гилберт Чериот Муге заврши на второто место со време 2:12,20; додека трет беше уште еден Кениец, Емануел Кипкогеи кој заврши со време 2:20,41.
А Мохамед Ел Гаузани од Мароко триумфираше во полумаратонот.
Во женска конкуренција, победа на Ема Черуто Ндива од Кенија со време 2:31.30.
А Кенијка победи и во полумаратонската трка, а тоа е Тереза Омоса.
