Контроверзниот сопственик на Панатинаикос, Димитрис Јанакопулос не се смирува. Дојде во Белград на мечот меѓу Макаби и Панатинаикос, а по драматичен финиш неговиот тим е поразен со 85:83, тој тргна во напад на судиите и Евролигата. Прво го вреѓаше хрватскиот судија Лука Кардума со зборови на српски јазик, а потоа неговиот клуб испрати барање да не му се признае победата на Макаби.
„Кога ова не го прифаќаме и кога викаме, вие нѐ казнувате. Дали поради ова ќе бидам казнет? Си играте со нашите пари, со нашите инвестиции, со нашите емоции, си играте со сите нас. Ќе направи ли некој нешто?“, викаше Јанакопулос на својот профил на Инстаграм.
Потоа постави слика од спорната ситуација кога играч на Макаби ја гази аут-линијата со топка во раката, а е веднаш до судијата.
„Гледајте го ова… Ова е намерна кражба“.
Panathinaikos Başkanı Dimitris Giannakopoulos: “Neye bakıyorsun, g*tüne mi?” pic.twitter.com/N77G7lAVG4
— Do Deka (@dodekabasket) April 30, 2024
