Лос Анџелес Лејкерс го отпушти тренерот Дарвин Хем по две сезони на оваа позиција. Под негово водство, Лејкерси остварија учинок од 90-74 победи-порази во лигата и во двете сезони мораа да го заработат патот до плеј-офот преку плеј-ин турнирот.
Минатата сезона стигнаа до финалето на Западната конференција каде загубија од Денвер Нагетс со 0:4, додека годинава веќе во првото коло од плеј-офот повторно налетаа на Нагетс, кои беа подобри оваа време со победа од 4:1.
По поразот на домашен терен во третиот натпревар од овогодинешниот плеј-оф против Нагетс, по што Лејкерси паднаа на негатива од 0-3, навивачите на Лејкерс скандираа да си оди, а самиот Хем на почетокот на оваа недела изјави:
„Последните две години беа пеколни да седите на ова столче, ви велам, тоа беше пекол“.
