Фудбалерите на Ливерпул со убедливи 4:2 го совладаа Тотенхем на домашен терен во мечот од 36. коло од англиската Премиер лига. Избраниците на Јирген Клоп одиграа перфектен дуел се до 60 минута, а потоа му дозволија напротивникот да се врати во ритам и да ја ублажи катастрофата на „Енфилд“.
Ливерпул поведе во 16. минута со голот на Мохамед Салах, а предноста ја удвои Енди Робертсон во 45. минута од натпреварот. Коди Гакпо го искористи првиот опасен напад во 50. минута по одличното нафрлување на Елиот за 3:0, додека Харви Елиот го потврди својот квалитет и девет минути подоцна постигна фантастичен гол за 4:0.
Ришарлисон ја намали негативата на Тотенхем во 72. минута по асистенција на Џонсон, додека пет минути подоцна и Сон погоди за 4:2. Ливерпул оствари голема победа со која го потврдува најмалку третото место на табелата.
