Денеска во Виена се одржа ждрепката за двојките за полуфиналните дуели на завршниот турнир во ракометната Лига на шампионите во машка и женска конкуренција.
На завршниот турнир во Келн можно е да имаме и германско финале, откако двајцата германски претставници се разминаа во полуфиналната рунда.
Актуелниот бранител на титулата, Магдебург, во полуфиналето ќе игра против дански Алборг, додека во второто полуфинале ќе играат Кил и Барселона. Завршниот турнир во Келн ќе се одржи на 8 и 9 јуни.
Во женска конкуренција на Ф4 турнирот во Будимпешта (1 и 2 јуни) во првиот полуфинален меч ќе играат Есбјерг и Ѓер, додека во второто полуфинале ќе се соочат Битигхајм и Мец.
