Фудбалерот на Интер, Николо Барела ќе стане најплатениот играч во италијанската Серија А. Тоа ќе се случи, ако играчот го потпише новиот договор со „нероаѕурите“ според кој ќе заработува по 7 милиони евра по сезона вклучувајќи и бонуси.
Тоа значи дека италијанскиот репрезентативец би бил на првото место по примањата, а моментално најплатен играч е неговиот тимски колега Алесандро Бастони со 5,5 милиони евра по сезона. Ѕвездата на Јувентус, Федерико Киеза е на третото место со 5 милиони евра по сезона.
