Шпанскиот стручњак Чаби Алонсо даде интересна изјава откако неговиот Баер Леверкузен повторно се спаси од пораз во последните моменти, но и се пласираше во финалето на Европската лига.
Во реванш полуфиналето на Европската лига синоќа се сретнаа Баер Леверкузен и Рома. На крајотмечот заврши 2:2.
„Среќни сме што сме во финалето. Како резултат на тоа ќе играме две финалиња за седум дена. Покажавме карактер по нивниот втор гол.
Ги погледнав играчите во очи и видов дека сакаат повеќе. Имаме уште шанси да го освоиме трофејот и моите момци ги заслужуваат сите три трофеи“, изјави Чаби Алонсо.
Да потсетиме, Баер Леверкузен претходно ја обезбеди титулата шампион на Германија, прва во клупската историја и е во игра за уште два трофеи. Најпрво на 22 мај во Даблин ќе го одиграат финалето на Европската лига против Аталанта. Три дена подоцна е закажано финалето на ДФБ-Покал, противник на Баер ќе биде второлигашот Кајзерслаутерн.
