Тренерот на Манчестер Сити, Пеп Гвардиола проговори за проблемите во подготовката на тимот за натпреварот од 37. коло на англиската Премиер лига со Фулам. Неговите фудбалери тренираа на „Крејвен котиџ“ и тој се пожали.
„Немам поим што не е во ред со тревата, минатата сезона беше малку висока и сува. Но, сепак треба да се навикнеме, како на натпреварот со Нотингем, и да се обидеме да ги освоиме трите бода. Во четвртокот трениравме на сув терен за да го почувствуваме тоа, а потоа преминавме на нормален терен. Разликата беше значајна.
Со оглед на тоа дека и во Лондон ќе биде сончево на денот на натпреварот, мора да бидеме подготвени за целата ситуација со избирање поинаков стил и темпо на игра: ќе ја немаме брзината и додавањата ќе бидат потешки. Секој што ја контролира топката ќе мора да вложи повеќе напор. Сè ќе биде поинаку, не е како во кошарката. Тоа е повеќе како Вимблдон или Ролан Гарос.
Прашајте ги тенисерите: брзината на топката е различна на тие терени. Истото е и во фудбалот“, изјави Гвардиола на официјалната веб-страница на Манчестер Сити.
Да потсетиме, Манчестер Сити е на второто место во табелата во Премиер лигата со 82 бода од 35 натпревари. Тимот на Гвардиола заостанува еден бод зад лидерот Арсенал, додека Манчестер Сити има натпревар помалку пред ривалот.
