Македонската кошаркарска репрезентација до 16 години со убедлива победа го отвори Европското првенство „Б“ Дивизија кое денеска стартуваше во Скопје. Нашите надежи славеа против Украина со 68-96.
Цветковски со 22 поени беше прв стрелец, зад него беше Данев со дабл-дабл од 14 поени и 11 скока. Терзиевски запиша 11 поени, по десет имаа Ефтимовски и Стојановски.
Победникот на оваа средба беше решен после едно полувреме. Во првите десет минути Македонија водеше со 14-28, додека на одморот замина со позитива од 28-49. Доминацијата на „црвено-жолтите“ продолжи и во третиот период (14-24). Пред стартот на последната четвртина Македонија имаше плус 33 (38-71). Ваквиот расплет беше повеќе од доволен за победа и мирна завршница.
Нашата репрезентација следниот меч го игра за два дена против Шведска. Покрај овие две репрезентации во нашата група се Естонија и Австрија.
