Велосипедистот на Ред Бул Бора, Словенецот Примож Роглиќ ја освои четвртата титула во трката Вуелта во Шпанија. Роглиќ успешно ја сочува предноста во текот на последната етапа на хронометар долга 24,6 километри на која заврши на второто место со 31 секунда заостанување зад победникот Штефан Кунг од тимот на Групама.
Словенецот победи со вкупен резултат 81 час, 49 минути и 18 секунди.
Инаку тој стана лидер во петокот, по добрите настапи во планинските делници по кои го престигна Бен О’Конор од Австралија.
Второто место го зазема токму О’Конор од екипата на Декатлон со заостанување од 2 минути и 36 секунди, додека третопласиран е Шпанецот Енрик Мас од Мовистар со заостанување од 3 минути и 13 секунди.
Роглиќ ја освојуваше Вуелта и во 2019, 2020 и 2021 година. Со четири титули на Вуелта се изедначи со Шпанецот Роберт Ерас.
🌟❤️🌟 The final podium of La Vuelta | Podio final de La Vuelta
1⃣ 𝙋𝙧𝙞𝙢𝙤𝙯 𝙍𝙤𝙜𝙡𝙞𝙘
2⃣ 𝘽𝙚𝙣 𝙊’𝘾𝙤𝙣𝙣𝙤𝙧
3⃣ 𝙀𝙣𝙧𝙞𝙘 𝙈𝙖𝙨#LaVuelta24 pic.twitter.com/RVklvB4wOt— La Vuelta (@lavuelta) September 8, 2024
