Викендов во Скопје се одржа вонредно изборно Собрание на Националната боксерска федерација на кој беше избран нов претседател. На местото на досегашниот прв човек Фатон Салиху, кој поради лични причини поднесе оставка, доаѓа досегашниот прв човек на Боксерскиот клуб Куманово 84, Кристијан Андреевски.
Андреевски беше едногласно изгласан од 29 клуба кои беа присутни на Собранието и му ја дадоа комплетната поддршка да ја води Федерацијата. На Собранието беше избран и нов Управен одбор и нов потпретседател и технички секретар.
