Како што дознаваме регионалниот ТВ гигант Арена Спорт ќе го раскине договорот со ФФМ и веќе нема да биде присутна во фудбалска Македонија. Ова доаѓа поради се она што досега се случуваше во мак – фудбалот, посебно во ПМФЛ каде досега се изнагледавме “циркус“ а не фудбал. ТВ куќа од Србија се гледа како оштетена страна и затоа ќе го раскине постоечкиот договор кој го има со нашата Фудбалска федерација.
Интересно е тоа што и во изминатите осум кола од новата сезона досега немаше преноси од нашата елитна лига, а требаше да ги врши Арена Спорт, но нејзе не и биле интересни и затоа немаше мак-фудбал, ниту на МТВ која ги преземаше преносите од Арена Спорт и ги презентираше на Националниот сервис.
Инаку во изминатите три сезони можевме да гледаме мак – фудбал на тој начин, преку Арена Спорт и МТВ. Сега веќе нема да биде така, барем извесно време.
Засега останува можноста да се следат преносите на Вардар и Брера, кога и двата клуба се домаќини и тоа преку ТВ Спортклуб, исто така регионален ТВ гигант.
Едноставно ТВ Арена Спорт не сака да се занимава со “циркусот“ во ПМФЛ, затоа и си оди од фудбалска Македонија.
