По втората победа во треѕиот настап во Лигата на нации, селекторот на нашата репрезентација, Благоја Милевски на прес-конференцијата по средбата истакна дека тимскиот дух беше пресуден за одличниот настап и резултат.
„Секако, задоволен сум од резултатот и од пристапот и од желбата на нашите момци. Од играта во одредени моменти не сум задоволен, но најважен е резултатот. Сите аномалии ќе ги решаваме во чекор. Имавме картони, повреди и вирус, но исконтролиравме се и победивме. Ова е победа е на фудбалерите. Тие се заслужни. Почнавме да го градиме овој натпревар по оној пораз од 7-0 во Манчестер и тимот добива физиономија како што сакам да изгледа мојот тим. Секогаш тежнеам за нешто повеќе, но работата на тимот полека дава резултати“, изјави Милевски пред новинарите во Рига.
