Вчера и денеска фудбалскиот свет е во шок. Имено клуб од С. Арабија, барем според медииумите во Шпанија, му доставил понуда на Винисиус Жуниор вредна 5 милијарди евра или по една милијарда по сезона. Оваа сума е петпати поголема од таа што ја зема Кристијано Роналдо во Ал Наср.
Се напоменува дека Бразилецот начелно ја прифатил понудата и дека оваа “операција“ најверојатно ќе се случи во летниот преоден рок во 2026 година. Секако дека и за Реал ќе има баснословна отштета ако се знае Вини има договор со „кралевите“ до 2027 година.
Е, сега оваа информација повеќе наликува на шпекулација. Посебно ако се знае дека во последно време Вини не е баш толку омилен во фудбалскиот свет, посебно по реакциите од негова страна и од Реал Мадрид откако не успеа да дојде до „Златната топка“.
Познато е дека Реал Мадрид е преголем клуб кој знае како треба да се отргне вниманието со пуштање на вакви инсајдерски информации.
Секако дека во С. Арабија се плаќаат играчите со тешки милиони, но на Вини да му се даде милијарда по сезона, тоа е премногу и за Саудијците.
Наводно за тие пари од него ќе се бара да биде фудбалски амбасадор на С. Арабија, а колку е омилен и тоа нема да им успее.
Се чини дека ова многу “мириса“ на “игра“ на Реал со цел да се промовира Вини во мега – ѕвезда во рангот на Меси или Роналдо.
