Толку беше од Нани. Некогашната мега – ѕвезда на светскиот фудбал на 38 години денеска и официјално кажа дека оди во играчка пензија.
Интересно, во изминатите преодни роково во мак – фудбалот, искусниот Португалец се споменуваше како засилување во Гостивар. Раководството на Гостивар тоа не го демантираше, напротив, дури и го подгреваше таквите шпекулации.
Но, Нани не дојде, а по ова тој никогаш нема да дојде во Гостивар како играч, можеби во некое друго својство.
Инаку Нани во својата кариера настапуваше за Спортинг, Манчестер Јунајтед, Фенербахче, Валенсија, Лацио, Адана Демирспор а кариерата ја заврши како фудбалер на Естрела Амадора.
За репрезентацијата на Португалија одигра 112 натпревари и постигна 24 голови.
