Флорентино лично реши да не прави никакви трансфери во јануари

130

Претседателот на Реал Мадрид, Флорентино Перез лично донел одлука клубот да не потпишува играчи за време на јануарскиот преоден рок, пренесува Cadena SER. Очекувањата беа дека ќе се засилат барем во одбраната, каде има сериозни празнини, но и покрај ова, на „Сантијаго Бернабеу“ не дојде ниту еден нов играч.

Тренерот Карло Анчелоти има сериозни проблеми со екипирањето на одбраната. Не може да се потпре на повредените Едер Милитао, Дани Карвахал, Антонио Рудигер, Давид Алаба и Лукас Васкез. Затоа, тој се повеќе мора да се потпира на младите од академијата и да прави случајни промени во својот тим, како што е идејата да го игра Федерико Валверде како десен бек на натпреварот против Леганес во Купот на кралот.

Очекувањата беа дека Реал во јануари ќе потпише барем со својата долгогодишна цел Трент Александар-Арнолд од Ливерпул. Перез дури упати понуда до „црвените“ вредна 20 милиони евра. Истата беше одбиена, а првиот човек на Реал одлучи да подготви нова понуда.

Пораката на Флорентино е дека во клубот има пари, но нема намера да ги троши немудро. Тој е дециден дека нема да плаќа нереално големи суми за нови играчи и ќе ги привлече само оние кои ќе ги прифатат неговите услови. Претседателот е уверен дека тимот има доволно ресурси да се справи дури и со оваа тешка ситуација во која се наоѓа. Згора на тоа, во случајот со Александер-Арнолд, се работи за играч со истечен договор кој може да се земе бесплатно на лето.

А Реал Мадрид секако не може да се жали на недостаток на средства. Неодамна, клубот се пофали со рекордни приходи од над 1 милијарда евра за изминатата календарска година. Очигледно, сепак, Перез решил да стави крај на недискриминирачкото трошење и да наметне сериозна финансиска дисциплина.

ПретходноЗиљкиќ доаѓа во Работнички
СледноПаладино: Лут сум, топката беше 20 сантиметри надвор од теренот