По се она што се случи вчера во Охрид, кога домашните фудбалери на Воска на барање на тренерот Клодиан Арбри го напуштија теренот при 1:1, во таа 76.минута епилогот е само еден.
Претходно да кажеме дека судијата не свирна крај, па затоа Вардар ќе добие службени 3:0 а против Воска се покренува постапка. А потоа се знае, клубот од Охрид и тоа како ќе биде казнет и со одземање на бодови од 3 до 9 бода.
Ова значи дека Воска сама си пресуди во поглед на нејзиниот опстанок. По ова клубот од Охрид следната сезона ќе игра во Втора лига, па пак нека го слушаат оној анонимус од тренер.
И што е најинтересно, голот на Вардар за 1:1, на Дурански, беше чист гол, топката беше зад гол линијата откако сите се уверија по гледање на ТВ снимката.
