Тренерот на Атлетико Мадрид, Диего Симеоне, се пожали на лошиот настап на неговиот тим по поразот од Лас Палмас со 0-1. Третопласираниот Атлетико Мадрид прими гол доцна против Лас Палмас загрозен од испаѓање, оставајќи го со 63 бода, 10 помалку од лидерот Барселона и три зад второпласираниот Реал Мадрид, кој во недела е домаќин на Атлетик Билбао.
“Доколку имавме некакви шанси да ја освоиме лигата, моравме да постигнеме совршени бројки. Денес тоа не го направивме. Првото полувреме беше сосема солидно, но не можевме да поведеме. Второто полувреме започна без проблеми, но не можевме да го направиме она што го замислувавме”, коментираше Аргентинецот и додаде:
“Не беше прашање на став, само игравме лошо. Немаше флуидност, немаше шанси за правилна конструкција на играта. Се поставивме на одреден начин и направивме промени за да најдеме решенија, но тоа не функционираше”.
