Да. Македонија и натаму е лидер на табелата во групата Ј и е лидер, замислете, по гостувањето кај Белгија вечерва во Гент.
Македонија одигра вечерва “докторски“ одбрамбено, сакаше бод и дојде до него. Македонија и натаму сонува, го сонува Мундијалот 2026!
Опасна Белгија, Македонија паметна, но за да се дојде до вакво реми во “пеколот“ во Гент ти треба фантастичен голма, а ние во Столе и тоа како го имаме.
Да, Столе ВЕЛИКИ, но и сите кои вечерва истрчаа на тревникот на “Планет Груп Арената“ се херои, наши херои и заедно со стручниот штаб.
Некој ќе рече дека Македонија имаше среќа, голема среќа, но таа среќа треба да се заслужи и Македонија во целост ја заслужи. Колку убаво беше на крајот да се види нервозниот селектор на Белгија, Руди Гарсија, како му честита на Милевски.
Колку е убаво да се види табелата во групата Ј.
Македонија е лидер, Македонија сега уште повеќе може да сонува големи нешта.
БРАВО МАКЕДОНИЈО!
