Шпанските гиганти Реал Мадрид и Барселона покажуваат сериозен интерес за потпишување на 26-годишниот француски дефанзивец на Баерн Минхен, Дајот Упамекано. Според информациите од „Foot Mercato“, двата клуба високо ги ценат квалитетите на централниот дефанзивец и се очекува да влезат во директна конкуренција за неговиот потпис.
Тековниот договор на Упамекано со баварскиот клуб истекува на крајот од сезоната, а преговорите за негово обновување се во застој и во моментов не постигнуваат никаков напредок.
Порано имаше информации дека се разгледува долгорочен договор, но дадената понуда не ги исполнуваше финансиските барања на играчот.
Англиските Манчестер Јунајтед и Ливерпул исто така покажуваат интерес за Французинот.
Фудбалерот му се придружи на Баерн во летото 2021 година, кога беше купен од РБ Лајпциг за сума од 60 милиони евра.
Оваа сезона, Упамекано учествуваше во 14 натпревари во сите натпреварувања, на кои запиша една асистенција.
